أحداث عشناها
للكاتب: حسن مدني
-النهاردة حصل معايا موقف صعب جدًا عمري في يوم ما هنساه دايمًا كنت أشوف صاحبي وهو بيكلم حبيبته وأركز على لمعة عينيه ومدى سعادته وهو بيكلمها شوفت الموقف ده أيام وشهور وسنين لحد ما أنا كمان قررت أرتبط وأكون سبب في لمعة عينيا وسعادة حياتي ما هو أنا بصيت لنص الكوبايه مكملتش أحداثها ولا جربت أبص للنص التاني ليها قررت إن أرتبط وأكلم البنت وأقولها خلاص بحبك ونعيش في لمعان وسعاده وأجرب الحياه الجميله دي لحد ما دخلتلها وصارحتها بحبي أستغربت إنها واخده الموقف بـ طفر عالي جدا من الصبر وكل ردها خلى الإيام إللي تثبت الحب ده ومرور وتكرار الوقت وإن مينفعش نختم حاجه زي دي بكل سهوله كده رديت عليها رد صامت كده في عقلي إنتِ غبيه جدًا للدرجة دي إي إللي يمنعك إن أنتِ كمان تعترفي بالحب ده وتعيشي وتجربي اللمعان والسعاده دي لحد ما فضلت أنا أتحايل عليها تديني الثقه وتبادلني مشاعري بكل عطف وحب وبكل إهتمام وهي ولا كأنها هنا لحد ما في يوم وأنا في الشات إتكلمت كلمه كده بالغلط وهي في إي مالك إي إللي جواكي كاسرك ومخليكي بهتانه بالشكل ده؟! ذهلت من ردها وكميه الرسايل إللي فضلت تبعتهالي وقد إي واضح الصدق والاهتمام والاخلاص في الرد وفي كمية كلامها اللي إتبعت لحد ما عقلي ردد نفس الرد الصامت إللي ردده في الرد ألاول بس هنا كان الرد بالإيجاب وهو إي إللي خلاها تتكلم كده معايا بكل إخلاص وصدق وهي كانت لسه من لحظات رافضه كل ده سعتها حسيت إن أنا قربت أوصل وأشوف النص التاني للكبايه فضولي خدني إن أسمع ليها وأعرف إي كمان لسه جواها وكملت وفضلت أسمع وبكل ما أملك من طاقه إهتمام لحد ما في لحظه حسيت إني أنا أعتدت على سماع الكلام المخلص ده اللي بيخرج من قلبها بكل صدقا وصدوق حتى قلبي كنت أحسه إنه سعيد جدا كونه بيخفف عليها ده ويحسسها بمصدر الثقه والامان من اللي قدمها في اللحظات دي أنا حسيت بمدى حبي الحقيقي ليها واللي هيفضل أسمه حب مهما حدث ويحدث للعلاقه وحسيت بحبها هيا كمان بس مش حب زي اللي أنا كنت عايزه في ألاول لا ده حب تاني مختلف خالص وعظيم في حد ذاته سعتها إقتنعت وصدقت وتأكدت إن الحب مش بس عيون بتلمع وحياه سعيده لا الحب إنك تخفف، الحب لازم يكون مخلص سعات الحزن وفي سعات الفرح وفي سعات السعاده الحب يعني سند وقت الضعف وجبر وقت الكسره وونس ساعة الوحده الحب يعني لين وعطف وود وتسامح الحب يعني إنك تجرب وتشوف الكوبايه كلها مش بس جزء منها الحب يعني تخفف وتطمن وتهادي الحب يعني إثبات وإخلاص ووقت مش كلمه تتقال وخلاص بين ما عقولنا تحب أو تقرر ترتبط الحب دايره واسعه مليانه بـ تكرار المواقف إللي لازم ننجح ونثبت كفائتنا فيها وهنا عرفت إن أنا وصلت لنص الكوبايه الافضل والاحسن والأقوي واللي هو إن الحب في إنك تخفف على اللي بتحبه وإن اللمعه بتيجي بعد إلانجاز وإن السعاده بنشوفها لما نكون سبب في تخفيف ألام غيرنا وإننا لازم نزرع ونجتهد ونتعب علشان نجني ثمار سعادتنا ولمعه عينينا وإننا منحكمش علي علاقة غيرنا بمجرد إننا بنبص لجزء واحد من الكوبايه وإننا لازم نصدق إن لكل علاقه مزيد من الاحداث وإن الاحداث متعدده المواقف وإن المواقف متنوعه الكلام وإن الكلام فيه اللي بيسعد وفيه اللي بيحزن وإنهم الاتنين خلطه ولازم نشربها في كوبايه واحده.
ك/حسن مدني
"جريدة أطياف"
شكرآ جريده اطياف العالميه وشكر خاص للكاتبه الجليله والعظيمه :نجلاء اشرف
ردحذف